北海道必去5個親子地方

1)瀧野鈴蘭丘陵公園

呢個係國營公園,位於札幌的近郊,距離市中心大約45分鐘車程!公園入面有花海,有瀑布,有營地...但係最吸引的都係公園入面那個超大超放電的「子どもの谷/兒童之谷」入面的遊樂設施真係好好玩-熔岩滑梯,彈跳巨蛋,彩虹繩網,大草地,夏天時仲有細路實鐘意的戲水區!小朋友玩到唔願走呀!





公園實在係好大,入口都有好幾個,記得要係「中央口」入!泊車410!泊好車可以行上去再買入場票450!一入去最先見到係個大草地坡,下面可以借個超大波波,一路碌上草地,到咗上面碌返落來...感覺有啲捉蟲!個人覺得如果可以借個滑草兜上去實際啲!

隔離就係個彈跳巨蛋,好似一個超級大的彈床,大人見到都想玩呀!如果覺得太多人,一路得到尾,去到玩水區後仲有一個橙色的彈跳巨蛋!

彩虹之巢係一個室內的繩網區,繩網啲洞好細,非常安全!較細的小朋友可以先玩一個較矮的繩網!剛係出面晒完,入到來室內的繩網區好舒服!
 

在夏天,仲有小朋友最愛的淼林青流,其實係一個玩水區,見到有小朋友換上冰衣落去玩水!有啲無帶冰衣的只係著住內褲都有!上身著咩唔緊要,但係一定要除鞋!日本人做事真係好認,見到佢地每隔一段時間就會來採摘「水樣本」確保水的質素!
在玩水區的後方仲有個崎嶇火山,好多一支支的申出來,好多小朋友就會係到爬上去坐!另一個彈跳巨蛋就係隔離!
呢到仲有一個好吸引的地方就係熔岩滑梯,好高的石梯!不過有年齡限製,3以上先玩得!而且仲要先戴頭盔,好安全呀!如果第一次玩,可以先選擇一條較短的來玩先!
兒童之谷真係好大,見到有好多日本媽媽會聚埋一齊係到野餐,真係可以玩足一日! 一個超放電去公,玩完包你個小朋友好好瞓呀!


公園資料
瀧野鈴蘭丘陵公園「兒童之谷」
網頁: http://www.takinopark.com/
地址: 005-0862札幌市南区滝野247番地
電話: 011-592-3333
開放時間: (9-17),(9-18),(9-17),(9-16)
入園費: (>15大人)450, (>65長者)210
泊車費: 410
更多資料,可以看個人遊記

2)神威之杜公園
於旭川的一個免費, 免費, 免費的室內,室外公園,旭川市駕車去大約15分鐘左右!戶外有個大型繩網,而且啲洞好細,就算差錯腳都唔會跌落地,另外仲有一條超長的滑梯...呢啲長滑梯係靠好多滑輪駒動,但係會碌到大人個pat pat好痛不過正正係因為有呢啲滑輪,佢唔洗高,但可以長!仲有小朋友鐘意的玩水區!至於室內那個遊樂場唔係好大有木梯,木做的波波池,都有空中繩網最好玩應該係入面個迷宫!就連迫車都係免費呀!抵坃!




 公園資料
神威之杜公園
網頁: http://www.asahikawa-park.or.jp/facilities/park/wakuwaku.html
地址: 旭川市神居町富沢
電話: 0166-63-4045
開放時間: 09:00-17:00,七八月延長開放時間至晚上7
休園日: 年末年始(1230日~14)每月第二個星期一,假期後翌日
入園費: 免費
泊車費: 免費
更多資料,可以看個人遊記

3)北海道子どもの国

為位砂川市一個超大的兒童遊樂場,位置係美唄同旭川之間,由旭川駕車大約1小時即逹!室內有好多長滑梯,最高的由5樓滑去2,有另一個由5樓滑去3!家長可以陪玩! 泊車同入場都要比錢!室外都有繩網,彈床!相連的另一面係Highway Oasis,有好多手信買,六花亭,北菓樓,玩完又可以買嘢!



公園資料
北海道子どもの国
網頁: http://www.hokkaidoukodomonokuni.or.jp/index.html
地址: 〒北海道砂川市北光401-1
電話: 0125-53-3319
開放時間: 09:00-17:00,4月下旬到11月上旬止
入園費: 500(大人)
泊車費: 免費
更多資料,可以看個人遊記 


4)Niseko Village@二世古

呢個Village真係好一家大細,不同年紀一齊玩!Village位置就係Hilton Niseko附近,如果住係Hilton酒店,買入場票仲有得平!


二世古的夏天係淡季,原來滑雪的地方會改做地上Adventure...入面的adventure連大人都啱玩...好似有空中軌道滑行(レールスライダー),徒步樹(ツリートレッキング), Bouncing Castle, Adventure Bouncing,各樣球類活動,高爾夫球,騎馬體驗,熱氣球等!如果有好多嘢啱玩,可以買個Day Pass係入面玩足一日!如果係單玩一樣都得,每樣唔同價錢!小朋友如果得2.5-3歲左右,可以玩細嗰個Bouncing Castle!大人2,300,小朋友1,800円玩2個鐘,小朋友太細,工作人員會要求家長陪同,咁樣就要比大人入場費啦!Adventure Bouncing3層樓咁高,大人都好想玩!所以話如話大人細路都玩得!

呢個Adventure Park只會係夏天開,到冬天就會變返做滑雪的地方!可以坐雪兜車上山滑雪,另一重體驗!


公園資料
Niseko Village
網頁: http://www.niseko-village.com/ja/green/pure.html
地址: 〒北海道虻田郡ニセコ町東山温泉
電話: 0136-44-1111
開放時間: 09:00-17:00
入園費: 一日Day Pass: (大人)4,800 (小朋友)3,800
更多資料,可以看個人遊記


5)旭山動物園

旭山動物園位於旭川,距離市中心大約25鐘車程!入面唔算好大,館與館之間唔洗行好耐就到,算係集中!動物的品種都幾齊,想教小朋友認識動物來呢到就最啱啦!如果係冬天,呢到啲企鵝仲會出來排隊企!讓你有更近距離接觸小動物!不過呢到無得餵飼動物,只可以遠觀而已!


公園資料
旭山動物園
網頁: http://www.city.asahikawa.hokkaido.jp/asahiyamazoo/
地址: 078-8205 旭川市東旭川町倉沼
電話: 0166-36-1104
開放時間:   ()09:30-17:15 (最後入場:16:00)
            ()10:30-15:15 (最後入場:15:00)
入園費: (大人)820 (小人/中學山以下)無料
更多資料,可以看個人遊記

Comments

Popular Posts