わんぱく王国的巨大恐龍公園


「龍友」千萬唔可以錯過阪南市的わんぱく王国的巨大恐龍溜滑梯!呢個公園好近機場,自駕的話唔洗30分鐘車程就到,泊車¥500!如果唔係自駕,可以坐電車(阪南線)到山中溪站下車行1分鐘就到啦!絕對係一個方便易去的親子公園!

溜滑梯全長達200M,最大特點就係滑梯終點設有可愛的恐龍口,好似被恐龍吞噬咗再係尾巴到出返來!而且差不多到達時仲會發出恐怖的「吼聲」。

溜滑梯一共有4款,係正中的入口向上行會有兩條滑梯,第一條係右面,可以直達恐龍個口,第二條係左面,高少少同多啲斜!
第二條溜滑梯

另外兩條更高更刺激的滑梯就要「更上一層樓」啦!近公園入口處(恐龍滑梯的左面)有條路可以上山,想玩就要先付出一啲體力啦!上山的樓梯有啲好大級,行大約78分鐘左右就會到第三條溜滑梯啦!
第三條溜滑梯

呢條滑梯無咩彎但係會係咁落斜⋯有少少被拋起的感覺!由第三條滑梯再上就會見到第四條滑梯,呢條最高而且有好多急彎,係最刺激嗰條!第三及四條滑梯唔係直達地面的,滑咗落來之後,再可以揀返第一或二條滑梯滑到地面!仲有另外一條路可以上山,就係沿住恐龍公園再向前行,呢條路無咁多樓梯,多啲陽光,主要係行斜路,比起公園入口條路,舒服好多!玩咗一陣,大人細路都濕晒!滑落來真係好過癮,但係行上去條路真係辛苦過担泥!

同場加映小朋友最愛的玩水池
公園入口處仲有2個可以玩水的地方,一個係條好淺水的溪流,另一個係較深水的池塘,玩到熱啦啦,跳入個咁清涼的水池特別舒服!

公園資料:
地址:〒大阪府阪南市山中渓119-8
開園時間:午前930分~午後430
前往方法:JR阪和線山中渓駅下車步行1分鐘
電話:072-472-1890
駐車場:有料¥500

溫馨提示:
記得拿蚊怕水/蚊貼去呀!公園多樹木,上山路上有好多蚊!

Comments

Popular Posts