給家長的免費中文筆順apps推介


教小朋友寫字真係一件幾頭痕的事,要坐係到完成一頁功課,真係少啲耐都唔得!特別係而家剛剛升上K2,啱啱開始執筆...寫啲字出來東歪西倒,比例完全唔啱🙈

今日介紹幾個中文筆順apps比大家,只要輸入文字,製作器會自動製作習字工作紙,仲會顯示筆順!小朋友可以直接係apps上跟筆順寫字!三個中文筆順apps各有千秋,簡單總結如下:

如果想比小朋友學筆順,可以考慮「常用國字標準字體筆順學習網」。呢個係台灣網,小朋友可以直接係apps到寫字,如果筆順錯,會即時顯示「紅色」如果正確,會顯示「綠色⭕️」可以即時糾正👍🏼順便提一下,台灣跟香港雖然都係繁體字,但筆順方便會有少少唔同!比如草花頭的寫法先後次序就唔同啦!家長可以自己選擇適合的生字比小朋友練習!

如果想一次過學同一個字的詞語/成語,可以用「香港小學習字表」!只要輸入生字,會提供該生字的各種資料,例如筆劃,部首,詞語,成語,普通話及廣東話讀音!

如果想一次過製作多過一個生字的工作紙,就要考慮「小學學習字詞表」最多可以一次過製作20個生字(留意不是文章)

總之各有各好,請各取所需😂


(按)常用國字標準字體筆順學習網

小學學習字詞表 (Apple) (Android)

香港小學習字表 (Apple) (Android


Comments

Popular Posts