日本珈琲店



我特別喜歡日本咖啡,相比cuppchinoLatte,我更喜歡虹吸式或滴漏咖啡!所以每次來到日本,都一定會食個日本珈琲店的早餐再開始一天的旅程!除咗咖啡,日本的面包都係特別鬆可口,配上一隻半生熟的煎蛋同煙肉,正正就是一個完美的開始!以下介紹的都係連鎖式經營的,有幾間更係同一個集團!

1. 上島咖啡店 (官網 | 早餐餐單
呢間coffee shop出名厚切多士,可以配煎半生熟蛋加煙肉,或烚蛋!都有蛋沙律三明治🥪跟早餐咖啡有幾款可以選擇!但特別咖啡只能以正價享受🤗早餐時間為開店至早上11時!每間分店的開門時間不同,請查看官網!



2. UCC (官網)
UCC呢間餐廳大家應該唔會陌生,係日本UCC仲有好多分號,例如UCC Cafe Plaza, UCC Coffee House, UCC Cafe Mercado, Mellow Brown Coffee by UCC! UCC旗下係用虹吸式咖啡,咖啡味道芳香醇厚,無酸味,這亦是我一試難忘的原因之一!

3. Comfort
ComfortUCC旗下的餐廳,有提供早餐的分店只有5間,主要集中係大阪神戶!勝在開得早,早上7:30就已經開咗!大早餐包括多士,煙肉,煎蛋,沙律菜!一共有6款可以選擇!咖啡跟UCC一樣,味道芳香醇厚,無酸味(當然,同一集團)可借係分店唔多!每次去神戶,都必定去呢間!

4. 珈琲館 (官網早餐餐單)
呢間都係用虹吸式調配咖啡,味道同一樣香醇!大早餐有多士,炒蛋,火腿,沙律!另有其他輕早餐可以選擇!早餐時間開門到11時,每間分店的開門時間不同,請查看官網!




5. コメダ珈啡店 (官網 |早餐餐單)
1968年至今,全日本已經有849間分店,真係總有一間係附近!提供輕食早餐,只係有半片多士,加一隻烚蛋蛋沙律紅豆。叫一杯咖啡可免費選擇一款!咖啡奶好少,少到要問佢拿多2個先夠!如果唔夠飽或有小朋友,可追加多士或蛋。推廣期間追加多士都只係¥100



6. 星乃咖啡 (官網)
FC形式營運,海外都有分店,包括新加坡,馬來西亞,印尼!都係提供輕食早餐,叫咖啡送早餐(包括多士半片及烚蛋)部份分店提供特色早餐好似薯泥焗半生熟蛋配多士!咖啡方面有三款可以選擇~星乃(重甘味),彥星(重苦味),織姬(重酸味)



7. 時計台 分店位置

呢間珈琲店位於Rinku Town Station內!如果一早想去Outlet Shopping,可以先係呢到食早餐,食飽後再作戰!入面唔係好大,而且無分吸煙或非吸煙區!店內提供虹吸式咖啡,多士可配士多啤梨醬或牛油配薯泥沙律🥗同我一樣喜歡虹吸式咖啡可以試下!唯一唔好係,好多時隔離嗰枱都會有人食煙!其他分店位於大阪市內,堺泉南,阪神同東大阪!

地址:大阪府泉佐野市りんくう往来北1番りんくうパピリオ201A
電話:0724-69-2407
營業時間:8002000


8. むさしの森珈琲 官網 | 早餐餐單
大約有37間分間零散分全國,主要集中東京地區!點一杯咖啡就有4款早餐可以免費享用,包括多士配士多啤梨醬,焗芝士多士, 多士烚蛋或多士配Caramel Cream!唔夠仲可以追加迷你沙律,厚切多士!上次去嗰間係久留米,都有其他早餐可供選擇!





*****************
非連鎖式珈琲店
*****************
9. Cafe 色內食堂 Facebook專頁 小樽

為於北海道小樽的一間古色古香的珈琲店,由懷舊的古老大屋改建而成!只要點一杯咖啡加¥100就有一份豪華早餐!餐廳入面有好多古董,三角琴,超大個滴漏壺,仲有隻超大啦叭!點一杯咖啡加¥100就有個morning set,包括炒蛋,腸仔,火腿,多士,薯仔沙律!入到去除咗食嘢之外,仲可以欣賞古典音樂,讓人有一仲慢活的感覺!順帶一提,我地入到餐廳,開頭完全無人招呼,無水又無menu...咗一陣,忍唔住出去問佢!都隔咗5分鐘先來!有幾枱客仲因為無招呼走埋!趕時間就唔好去啦!直覺覺得老闆應該係做生意打發時間而已!

地址:北海道小樽市色内1丁目6−27 (舊塚本商店)
營業時間:09:0020:00(星期四休)



10. Nel Drip Coffee  Facebook專頁 神戶
一間唔係好起眼咖啡店,竟然有我老公最鐘意的咸牛肉三明治🥪收銀處有一座雙管式的滴漏咖啡壺!其他早餐包括多士烚蛋,火腿多士,杯咖啡真係一流!

地址:〒651-1245 兵庫県神戸市北区谷上東町7-10
電話:078-586-6960
営業時間:073018:00(不定休)







Comments

Popular Posts