中文字型結構表 - 提升小朋水對中文字型的空間感

教讀書都無教寫字咁勞氣傷神!唔知大家有無同感呢?K2上學期開始寫中文單字,好似上,大,十,人等...到下學期就開始要寫簡單的中文詞語啦!新冠肺炎的關係,基本呢幾個月都係自己教小朋友寫字...講真有時自己寫的中文字,都唔敢肯定筆順係啱...

小朋友對寫中文字無空間感,啲字成日寫到東歪西倒,上大下細,唔對稱...見到忍唔住擦晒佢,就開始發脾氣!聽得最多嗰句就係...我隻手無晒力啦!

事實上,真係好難把每一樣學習都當成遊戲,至少寫字就唔可以啦!小兒無耐性,寫一陣就會叫悶,叫累或者發呆...所以唔可以一來就比本copybook佢寫...我係用以下三個步驟教小朋友寫中文字,大家分享下... 

Step 1: 係開始學習新字,我會先開呢個APPS (香港小學習字表)比小朋友睇下正確的筆順!自己都順便重溫一下!

Step 2: 利中文字型結構教小朋友中文字的空間感!未有呢個字型結構表之前,我會教小朋友把不同的中文部件放入上下左右的櫃桶內,有咗呢個結構表,教小朋友呢個概念就更加容易啦,而且無咁抽象!

Step 3: 讓小朋友開始試寫中文字啦!開始時我會從旁以口述打橫打直,一點一撇..來教佢寫,盡量都唔會捉住佢隻手寫字!

今之做咗呢個中文字型結構係磁石底白板面,利用不同的字框來教小朋友中文字的結構同空間!可以貼係雪櫃或者白板上!因為可以把中文字直接寫入字框入面,把櫃桶的概念圖像化咗!有時又會學佢咁把字寫到不對稱,等佢明白部件應該放在什麼位置才正確!

詳情請到專頁PM查詢: http://www.facebook.com/beasmartc9


Comments

Popular Posts