數字排序敎學方法分享

好多人問數學點樣教!對無咩數感的小朋友來講,真係少啲EQ都唔掂🤣有時你跟本唔明白小朋友比咩kick,講極都唔明😅😅話說我個仔入院前已經識咗數字排序...出咗院比返晒我😪真係比佢激到我嘔咗幾升血!最後還原基本步,由頭開始...

同大家分享下點樣教小朋友數字排序,各位家長可以參考下!

我利用「百數板」的數字棋教,因為有啲數字粒揸手,可以互動啲,無咁悶!玩法係是但抽5隻數字棋,再叫佢由細到大排好!話就話是但,都要有少少技巧既😅(技巧稍後分享)最難就係有幾個十位數相同的數字,加埋啲相似數字,小朋友就會覺得好混亂!比如: 18 811551 86


數感叻的小朋友,可以直接叫佢找出最大,最細,第二大,第二細....數感一般般的比啲類似數字搞到混亂晒...大家可以加啲小教具:


1)用張紙畫三個圈(你可以話係三個袋)

2)叫小朋友把數字按規律分類,放入圈中

      袋一:1518

      袋二:8186

      袋三:51

3)叫小朋友係圈下面寫出規律中相同的數字,即袋一(1)袋二(8)袋三(5

4)問小朋友185邊個數字最細呀?

5)(應該識答1😅)把袋一全部棋子取出,請小朋友先排這2個數!由於十位相同,引導小朋友比較個位!58那個較細?有啲小朋大會由11開始數起!唔緊要,最重要學會方法,慢慢就會快!排好就別再動他了!

6)再問,餘下的58那大個較細?


如此類推!一組一組排!對數感較弱的小朋友會無咁混亂!學會方法,慢慢就會快!最緊要係耐性耐性耐性...一面玩一面學,提高興趣...之所以用「百數板」因為比較方便,但係唔好處係一定要坐係到陪佢玩!有時唔得閒就可以叫佢做工作紙!


雖然話係是但抽,不過都可以控制難度:

Level 1: 全部同十位數字, 比如: 11, 15, 18, 12, 19

Level 2: 不同的十位數字, 比如: 23, 57, 35, 89, 44

Level 3: 同十位數字加不同十位數字, 比如: 14, 67, 19, 17, 98

Level 4: 同十位數字加相類似數, 比如: 15, 51, 18, 81, 59  


免費數板工作紙及玩法

Comments

Popular Posts