(教具)數學運算啓蒙套裝(適合4歲以上小朋友)


原來要教識小朋友加數並唔係想像中咁難😅只要方法正確,讓小朋友學識二位加二位連進位都唔洗1星期!相信你地都一定得🤗

之前一路教小朋友用橫式來計加數,由基本的貼貼數數,數字組合,到Counting on 1-5... 有媽媽問點解counting on只係教到1-5,唔數到6-10。原因係一般大過5都已經要進位,如果大過5又唔進位,比如7+2,小朋友可以先揀較大的數作開始(i.e. 7),再行2步!所以基本上counting on呢個concept教到5已經足夠,重點係,小朋友要識從較大的數字作開始!

最初我用手寫方法教小朋友明白如何由橫式變直式,但用家欠投入感😅後來用魔術貼,把數字大變身,好快就掌握到個概念!小朋友就係咁,係要玩住學先得!雖然只係一個簡單的撕貼動作,不過對小朋友來講,簡單易明又好玩!

透過呢套運算教具,一步一步教小朋友明白運算的方法!利用直式計算加減數比較容易理解!以不用進來講,就算雙位加雙位,係直式的解説來講都只係把2個單位數字加埋!明白咗呢個概念,到將來計算進位/借位都唔會有難度!

教具(一) 加數魔術貼玩法 

玩法基本上係一樣,不過可以因小朋友的進度而調節難度

Step 1 - 單位加單位-不進位
Step 2 - 雙位加單位/雙位-不進位
Step 3 - 雙位加單位-進位 (等於十)
Step 4  - 雙數加雙數  - 進位/  不進位   (複習)

玩法 一 (不進位):

1)家長先以橫式貼出數學題,如「3+5=
2)請小朋友把數字撕下來並貼在直式的方格上
3)請小朋友用counting on的概念計一計並貼上答案

玩法二 (進位):

1)家長先以橫式貼出數學題,如「17+4=
2請小朋友把數字撕下來並貼在直式的方格上
3)先計個位,即 「7+4」= 11
4 )  進位1用黃色(圓圈)表示! 把進位的1貼在直式的上方
5 )  再計十位,即
「1+進位1」= 2
6 )  所以答案為21

文字解説有點複雜,大家可以看Video示範

 教具(二) 認識個十百位


大家可以用算柱和算珠的方法教小朋友認識個位,十位同百位!利用白板筆在算柱上畫上算珠,請小朋友數一數並把數字寫在空格上!再讀出其數字! 完成後可以掉轉玩法,先寫數字,請小朋友畫上算珠!

教學重點: 
個位上,一粒算珠代表「1
十位上,一粒算珠代表「10

另一面為直式提示板,可以讓小朋友自己書寫直式(配合數學應用題使用)。雖然已經明白咗點樣由橫式變直式,但神奇在小朋友係白紙上「寫唔出」🤣個位同十位總係唔對位!開頭手畫啲框比佢填,可能有晒框框,所以對到位!有時我都唔明白小朋友比咩KICK住咗,不過慢慢就可以係白紙上自己寫到直式架啦!

教具(三) 數字組合魔術貼玩法

在教進位前,我先跟小朋友複習10的數字組合,希望可以加快小朋友的運算! 利用呢張數字組合咭, 先在空格上寫一個數字,比如「10」請小朋友在數字粒找出2個能組成10的數字並貼在數字組合板上!呢個遊戲不局限在10, 大家可以自由寫上數字,讓小朋貼上適當的組合數字! 

數學運算啓蒙套裝包括:

學習底板用膠面粉紙設計,A4尺寸!可以用白板筆重覆書寫及擦掉,但無磁力😅

加數直式數字底板 x 1
數字組合數字底板 x 1
認識個十百位及直式運算底板x 1
數字粒 0-9 x 4 (40)
數字符號 + - = x2 (6)
進位提示卡+1 -1 x 2 (共4張)
空白數字咭(可用白板筆寫)x 2
✅ 減數直式數字底板 (電子版) - 自行下載
✅ 認識個位大位底板 (電子版) - 自行下載
✅ 湊十法底板 (電子版) - 自行下載

有興趣可以PM到精明師奶幼教分享會





Comments

Popular Posts