珍珠棉軟膠筒 (執筆膠)

唔知小朋友係揸筆上有無遇到問題呢?未停課前,間唔中會收到一張紙夾在本功課簿到話「注意執筆手勢」但學校一直都無教如何糾正😅我自己揸筆手勢都係錯,所以都無咩留意佢!直到住院時,啲職業治療師來話同呀仔做個評估,看下啲小手肌發展!做完話佢小手肌發展係above average只係執筆手勢就唔啱!

在我心目中有2個問題!1)點改2)係咪一定要改呢?治療師話執筆手勢唔啱係因為手指尖唔夠力,所以手指公會㩹住食指!至於係咪一定要改,佢話改到咪改囉😅又唔係真係會影響啲咩,但入小學前仲有機會改!

後來佢每日都比一啲「用拑夾東西」的玩具佢玩!講真....呢類玩具我真係完全無諗過會買😅太無聊,太晒錢!到嗰日先知,原來可以訓練手指尖😅😅

 

最後佢比咗一個珍珠棉軟膠筒我,話好過市面上的揸筆膠,或三角筆!第一個反應係「咁大錄,點揸呀」個膠筒中間有個洞,可以放一支普通鉛筆✏️入去!治療師叫佢試下寫啲數字來睇下...ok喎!再問...舒唔舒服?佢話「舒服」呢舊膠軟淋淋,所以揸上手好舒服!直徑大約2.2cm,剛剛好把手指公同食指分開😅😅主要係改變佢揸筆要㩹住呢個習慣!用家好評...而家做功課自己要拿來用😇

好多人問係邊度買呀?大家可以淘,不過無得買一舊,最少要買1.25米!由於貨品太輕,郵費到集運點另計!大約$20左右(未計運費到香港) 購買LINK (外徑22, 內徑7)

Comments

Popular Posts